茄汁煎中蝦

2011年10月21日下午8:50公開累積瀏覽 66 0

以前大少係唔鐘意食酸甜的食物,茄汁、沙律醬、都唔洗預佢,但大個仔之後就無咁揀飲擇食,近年重喜愛食生炒骨、拿破崙意粉...,今日就整個茄汁煎大蝦比佢食,
佢一個人就食在大半,連D汁都唔放過,用來撈飯添

茄汁煎中蝦

材料 :

中蝦 12兩 洋蔥 (切粗絲)    1個     蔥(切段)   2條    乾蔥茸、薑茸、蒜茸    各1茶匙

調味料   :

茄汁   約4湯匙   糖    1湯匙   水  約半杯

製法   :

1) 中蝦洗淨挑去腸剪腳抹乾,在蝦肚剪2-3刀(有助入味),然後加入少許鹽及胡椒粉略醃。
2) 燒熱油鑊,落蝦煎熟,上碟備用。
3) 原鑊落洋蔥爆透,再落乾蔥茸、薑茸、蒜茸爆香，加茄汁爆香,落糖、水煮滾。
4) 將蝦回鑊，落蔥段,用少許生粉水埋薄獻,即可上碟。

花生醬包 & 蒜蓉芝心包

2011年10月16日下午4:52公開累積瀏覽 106 0

被封印已久的玩具--麵包機,今日再次出動, 製作老公的至愛--花生醬包, 再加上蒜蓉芝心包,明天的早餐就係你地啦

甜麵糰 (麵包機製作) 

材料   :  (可製8-10個)

高筋麵粉 350g   砂糖 45g       鹽   1/2 茶匙   鮮奶(微暖)   200g    吉士粉   15g     牛油(已溶) or 橄欖油   30g
蛋 35g 乾依士(酵母)   1  1/2 茶匙

製法 :

1)  材料依次序放入麵包機底盤內 :  鮮奶 - 蛋 - 牛油 - 鹽 - 糖 - 吉士粉 - 麵粉 - 乾依士(酵母)
(注意 : 酵母不應與液體、糖、鹽直接接觸,否則影响成品的效果)
2) 把底盤放回麵包機內,按MEUN 11 (即製作麵糰功能),待程式完畢,基本麵糰已成。
3) 取出麵糰,用拳頭輕搥三數吓放出空氣,即可分割、滾圓。

花生醬包  (4 個)

材料 :
基本麵糰   半份     粗粒花生醬   適量     杏仁碎    少許 蛋液 (塗面用)
製法    :
1) 麵糰分割成4 份(@80-85g), 滾圓, 蓋上保鮮紙,鬆弛 10 min。
2) 將麵糰輕輕壓平, 包入花生醬,黏緊收口,收口向下,輕輕按壓,用剪刀平均剪 5 刀 成花形, 放入焗盤上作最後發酵。
3) 待發酵至 2-2.5 倍大, 輕手掃上蛋液,加上杏仁碎作裝飾,放入已預熱180 C 的焗爐,約焗 15 分鐘。

蒜蓉芝心包 (4 個)
材料    :
基本麵糰 半份 Mozzarella 芝士    適量    蒜蓉醬 + 麵包糠 (拌匀)  適量    什香草碎    少許     蛋液(塗面用)
製法   :
1) 麵糰分割成 4 份(@80-85g),滾圓, 蓋上保鮮紙,鬆弛 10 min。
2) 將麵糰輕輕壓平,包入 Mozzarella 芝士粒,黏緊收口, 收口向下, 放入焗盤上作最後發酵。
3) 待發酵至 2-2.5 倍大, 用剪刀在頂部剪十字, 輕手掃上蛋液, 鋪上蒜蓉醬, 灑上香草碎, 放入已預熱180 C 的焗爐, 約焗 15 分鐘。 

 

 

煎三文魚柳配拿破崙煙斗粉

2011年10月15日下午9:08公開累積瀏覽 97 0

原本想煮拿破崙長通粉的,但是唔記得買,好彩屋企有盒煙斗粉,唯有佢代替... 真係無記性

材料    :
三文魚柳    4 件  串茄   1串(6-8pcs)  切半    洋葱     半個 (切絲)   煙肉 3 片 (去肥切粗條)   煙斗粉 or 長通粉     200g
拿破崙意粉醬    適量

製法   :
1) 煲滾約2.5 L 水,加1 茶匙鹽,放入煙斗粉約煮8-10 min, 盛起備用,(注意: 不要過冷河) , 煮粉水留用。
2) 三文魚柳用鹽,胡椒粉略醃,煎熟備用。
3) 燒熱鑊爆香煙肉盛起備用。
4) 燒熱鑊落少許橄欖油,爆香洋蔥,串茄,加入煙斗粉、煙肉炒匀,加入意粉醬炒匀,(如果太乾的話,加入少許煮粉水),炒伴3-5 min,上碟。
5) 加上已煎熟的三文魚柳伴食。

註:1. 如買不到串茄,可以用車厘茄代替。
 2. 可以用茄汁,pizza 醬代替拿破崙意粉醬。

榛子朱古力曲奇

2011年10月15日下午8:32公開累積瀏覽 144 0

買了一包榛子粉很耐,今日一定要殲滅佢,就整榛子曲奇啦,大少又鍾意朱古力。好! 就决定榛子朱古力曲奇 ,加咗榛子粉嘅曲奇,真係好鬆脆呀!
榛子朱古力曲奇
材料     :
無鹽牛油    75g   (我用咗'金桶'牛油)    糖粉 20g     榛子粉   50g 高筋粉   60g   中筋粉    30g
梳打粉 1g   (我用咗1/8 茶匙)     入爐朱古力粒    40g (多少隨意)

製法    :
1)  牛油室温放軟 (用'金桶'就唔洗), 加糖粉用打蛋器中速打至乳白色。
2)  加入榛子粉用膠刮伴勻,加入已過篩的高筋粉、低筋粉&梳打粉拌匀。
3)  用保鮮紙包成圓柱狀,放入雪櫃約30min, 取出切約0.7cm厚,鋪上朱古力粒。
4) 放入已預熱180 C 的焗爐,約焗12 min, 取出上架待涼。

粟米椰果西米露

2011年10月12日下午9:19公開累積瀏覽 70 0

粟米椰果西米露

材料     :
粟米粒   1 罐(去掉水份)   椰果     1 罐 (去掉水份)   西米   100g
椰漿 (大) 1 罐 砂糖 適量  

製法     :

1)  煲滾2 L 水,落西米煲约15 - 20 min, 熄火焗至透明,再用清水過冷河,備用。
2)  另外煲滾800ml水,落砂糖煮溶,加入椰漿煮滾。
3)  再加入西米,煮滾後熄火, 加入粟米粒及椰果攪勻,即成。
4) 可隨意加入花奶伴食。

西洋菜煲生魚湯

2011年10月3日下午10:05公開累積瀏覽 155 0

西洋菜煲生魚湯

今日見到D西洋菜好靚,就買了斤煲湯...

材料   :

西洋菜         1斤        生魚   1條       紅蘿蔔    1個
瘦肉    六両  羅漢果   1/3個     果皮   1角 
南北杏    約1大湯匙


做法 :

1) 生魚用適量粗鹽刷淨,用水冲淨去潺。瘦肉泵水備用。
2) 燒熱鑊,落少許油,加兩片薑,把生魚略煎。
3) 大煲放入適量清水,放入果皮,水滾後加入所有材料,大火煲45分鐘,再轉中火煲90分鐘。

香煎蓮藕餅

2011年10月3日下午9:29公開累積瀏覽 613 0

香煎蓮藕餅

材料          :
蓮藕           1 段    (約 1 斤)                        梅頭瘦肉        約  6 両 ($ 20)
冬菇           4 - 5隻 (浸軟切幼粒)               蝦米               2 湯匙(浸軟切碎)
葱               1 條(切粒) 
調味料       :
鹽         1/2 茶匙          糖       1 茶匙          生抽      2 茶匙      紹酒  1 茶匙
粟粉       1 茶匙           胡椒粉     少許         麻油     少許       清水   1 湯匙
製 法        :
1) 梅頭瘦肉啄碎, 加入調味料攪拌至起膠。
2) 冬菇,蝦米用少許油爆香,加少許糖及生抽調味。

3)蓮藕洗淨刨絲,加入肉碎、冬菇、蝦米、蔥粒及1 湯匙生粉順時針方向攪至起膠。

4) 將蓮藕餅分成乒乓球size ,搓成餅狀,放入油鑊煎至兩面金黃,即可。